Agira.org: il portale di Agira


Questo sito utilizza cookie tecnici e di profilazione di terze parti per le sue funzionalità e per inviarti pubblicità e servizi in linea con le tue preferenze.

Se continui la navigazione o chiudi questo banner, acconsenti all’uso dei cookie. Se vuoi saperne di più o negare il consenso a tutti o ad alcuni cookie accedi all'informativa estesa. Per saperne di piu'

Approvo
  • Home
  • Tradizioni
  • Ricette tradizionali Agira

Ricette tradizionali Agira

96 Ricette Agirine di Angelo Nicosia

Indice articoli

Ô ME PAISI

Tanti e tanti anni narreri, iu nascivi a San Fulippu di Ajra, ma ci stesi picca na stu beddu paisi, pikidi kuannu era ancora nê fasci, (tannu si usava akusidi di nfasciari i iammi dî picciriddi komu i mummi ajziani), mî ni ivi a l’Afrika, a Bengasi, nsemula a mê patri Don Nanè Nikusia, a me matri, Razzudda a Liotta e ku l’autri da me famigha.
Duranti e â fine da guerra, turnai ô paisi pi korki annu, ma finuti ka furu i skoli supiriuri vinni n’Palermu, unni mi spusai e unni ora kampu kâ me famigha.
Ogni tantu mi veni u lammiku e ci tornu ô me paisi, iu sulu però, nsemula ê me soru Rosa e Aita, -pikidi i me fighi -“CITTADINI” palermitani -si siddianu a vinirici, nô nostru paisi.
Alura, grapemu a nostra kasa ka eni nâ chiazza, n’facci o Municipiu supra ô vardunaru e â sira ku frisku, mi piaci afacciarimi ô barkuni, a taliari kiddi ka passunu sutta, nâ strata ka va a muntata, o a jenti ka passia nô chianu di SantAntuninu Komu eni kanciatu u me paisi, oj !!!
Pari na citadi. Nun si vidunu chu ne scekki ne muli n’menzu ê strati: sulu makini taliani e stranî. Tanti, ma tanti, ka nun si ponu  kuntari chu, di quanti ci n’eni, strati strati.

Mi rikordu ka ê me tempi, i viddani â sira, ô scurari, turnavanu a pedi da kampagna, kî skarpi fatti kî kupirtuna dê makini,  i “SKARPITTI”, komu si chiamavunu tannu e s’arrinavanu apressu –stanki e kâ testa kalata- a korda du mulu kariku kî vertuli chini di frumentu o di ntrita, mentri i ,suli makini ka c’eranu nô paisi, si putevanu kuntari nê idita di na manu
E quantu karusi ci sunu oj a passiari, tutti alikittati, na chiazza, n’menzu ê strati, o apuiati nô muru da Chiesa di Sant’Antuninu abrazzati a vasarisi kuntenti e filici, senza vriogna.
Mentri nuatri, karusi di tannu, kî vistiti di pannu rivutati una o dui voti pi nicissitadi, passiavamu avanti e narreri nô chianu di Sant’Antuninu taliannu di luntanu a nostra karusa sulu nâ l’occhi, “KA DICIANU TUTTU”, e kuannu eramu furtunati ni putevamu puru –nkuntrannuni di faccia ‘nmenzu a fudda- truzzarini sulu a manu, mentri i kapiddi s’arrizzavanu n’testa komu siddu avissimu pigghiatu na skossa alettrika.
Autri tempi, tannu !!!.

Ma !!!. Ku u sapi ???. Alivoti era meghu ka iu avissi nasciutu 50 anni dopu, pi putiri gòdiri puru iu da libirtadi dî picciotti di oj, mentri tannu, a mia, mi tukkau pi tanti anni di “taliari a me zita sulu na l’occhi” !!!!!.
Komu eni kanciatu u me paisi, oj !!!

Kanciamu u diskursu ka eni meghu, vasinodi me mugheri "a palermitana", pinsannu a mia picciottu no me piasi, si siddia e mi teni a funcia.
Parramu di "KOSI DUCI E BONI DI SAN FULIPPU DI AJRA"
Di stu libriceddu di ricetti sulu Ajrini.

Allura:
I ricetti ka putiti lejri apressu, akuminciai a rikoghili tannu, kuannu picciottu era ô me paisi, skiffaratu a jrari pî strati o asittatu ku l'amici davanti ô "KASINU", (u Cirkulu dî Nobili ka oj nun c'eni chu), a murmuriari a jenti ka passiava nâ strata. E tra na furficata e l'autra mi piacia parrari puru di kosi duci e boni fatti n'kucina, datu ka mi piacia, e mi piaci ancora ,starici n'menzu ê furneddi.
E nô rikoghiri i ricetti, skritti dî fimmini ajrini mi fu di granni aiutu na zia di me soru Aita, a zia Finedda Longo, ka sparti a essiri na brava fimmina travaghatrici, era na kuoka aciziunali.
Iu mi limitai, na sti anni, a rikoghiri i ricetti di tutti, (ka sunu ripurtati senza fari kurrizioni di sorta), akusidi komu mî dettiru, pi lassari a friskizza e a spuntanîtadi da sprissioni dî nostri fimmini di kasa, ka prima di skrivili, sti biniditti ricetti, i pruvaru tanti voti a farili, e kuntenti da rinisciuta, i lassaru skritti pi l'amici.
E iu i staiu scrivennu pi iddi, pî me paisani, pi nun farici perdiri sta granni tradizioni ajrina di tannu, e pi vuatri tutti ka mi stati lijennu e ka amati u beddu manciari e i kosi duci da bedda Sicilia nostra.
Ma, siddu pi kasu, pruvannuli a fari puru vuatri sti kosi duci e beddi sanfulippani, nun avissiru a viniri boni, komu i disiati, kriditimi, nun eni sulu kurpa mia!.
Pruvatici allura, e adivirtitivi.
Vasamu i manu a tutti!.

Angelo Nicosia
{source}
<script type="text/javascript"><!--
google_ad_client = "ca-pub-0393094176782117";
/* Pubblicità Ricette */
google_ad_slot = "6744565356";
google_ad_width = 728;
google_ad_height = 90;
//-->
</script>
<script type="text/javascript"
src="http://pagead2.googlesyndication.com/pagead/show_ads.js">
</script>
{/source}

Pubblicato in Pubblicazioni

Stampa Email

Non sei abilitato a scrivere commenti